ლეღვის ჩირი ბუნებრივი ენერგიის წყაროა, მდიდარია ბოჭკოთი, კალციუმით, კალიუმით, რკინითა და ანტიოქსიდანტებით. ის აძლიერებს საჭმლის მომნელებელ სისტემას, ხელს უწყობს ძვლების და გულ-სისხლძარღვთა ჯანმრთელობას, სწრაფად აღადგენს ენერგიას და წარმოადგენს ბუნებრივ, ტკბილ და სასარგებლო ალტერნატივას შაქრიან ტკბილეულთან შედარებით.

I. ნედლეულის შერჩევა და მომზადება

1. სრულად მომწიფებული, ჯანსაღი ნაყოფი
   შეარჩიეთ ლეღვის ნაყოფი, რომeლიც კარგადაა მომწიფებული, მყარი, მაგრამ არა გადამწიფებული ან ლპობადი.  კანი უმჯობესია იყოს დაუზიანებელი.
2. გაწმენდა
   გარეცხეთ გამდინარე, გრილ ან თბილ წყალში. თუ ხილი იწამლებოდა შხამქიმიკატებით, უმჯობესია 1 საათით გავაჩეროთ მარილიან წყალში,  ამ შემთხვევაში ხდება ქიმიკატების ნარჩენების და მძიმე მეტალების გამოტანა კანიდან (10 ლიტრ თბილ წყალში იხსნება  1 სუფრის კოვზი მარილი)
3. ბლანშირება (blanching)
   —ადუღებული წყალში ჩადეთ ნაყოფი დაახლოებით 3-5 წუთით — საკმარისია კანის დახვეწისთვის და მიკროორგანიზმების რაოდენობის შესამცირებლად.
   — შემდეგ სწრაფად ამოიღეთ და გააგრილეთ (მაგალითად, გამდინარე წყლის ქვეშ ან ყინულის წყალში) რათა შეწყდეს ჩახარშვის პროცესი.
4. დაჩხვლეტა / გაბრტყელება
   გაგრილებულ ნაყოფს მსხვილი ნემსით ან სადგისის  საშუალებით ვჩხვლეტთ, რათა აორთლება უკეთ მოხდეს და დაჩქარდეს შრობის პროცესი.                შემდგომ ბრტყელი ზედაპირის მქონე ნივთით (თუნდაც ჭიქით) ვაწვებით, რომ ბრტყელი ფორმა მივცეთ.
5. ნაჭრებად დაყოფა (საჭიროს შემთხვევაში)
   თუ ნაყოფი დიდია, შეიძლება გაიჭრას ორ თანაბარ ნაწილად. ამ შემთხვევაში შრობის პროცესი დაჩქარდება. გასაშრობად გაჭრილი მხარე თავსდება ზემოთ, რომ არ მოხდეს წვენის დაღვრა,

II. შრობის პროცესი

6. საშრობ დანადგარი / ტექნიკის მომზადება
   - საშრობ დანადგარში ძირითად აგრეგატებთან ერთად ჩაურთეთ ჰაერის დამატებითი გამტანი, რათა თავიდან ავირიდოთ კონდენსატი, შევამციროთ ლპობის და ობის სოკოს განვითარების რისკი.

შრობის ტემპერატურა
— გამოიყენეთ  ~ 50-55 °C ტემპერატურა. თუ ტემპერატურა ზედმეტი იქნება (> 60 °C), შესაძლოა მოხდეს გარე აფკის განვითარება, რის გამოც შიდა ნაწილის გამოშრობა ფერხდება. — ასევე მნიშვნელოვანია გარემოს ტენიანობა იყოს დაბალი — RH (relative humidity) სასურველია  მასიმუმ < ~60-65%. ამისთვის შეგიძლიათ გამოიყენოთ  სპეციალური  ჰიგრომეტრი საშრობი ოთახისთვის.

7. შრობის ხანგრძლივობა
   — დაახლოებით ~ 28-32  საათი; პერიოდულად შეამოწმეთ ტენიანობის მაჩვენებელი აპარატზე, რამდენად სწრაფად იკარგება წყლის პროცენტი.  ბოლო ეტაპზე, ნაყოფი უნდა იყოს იყოს ზომიერად ტენიანი, მაგრამ აღარ იყოს სველი.
8. შრობის ეტაპები
   — ნაჭრები არ უნდა იყოთ ერთმანეთზე გადაფენილი; უნდა დალაგდეს ერთი ფენა, თანაბრად.
   — პერიოდულად გადააბრუნეთ ნაყოფი, რომ ორივე მხარე თანაბრად გაშრეს.

— შრობის შუა ნაწილიში რეკომენდირებულია საშრობი დაფების გადანაცვლება ზემოდან ქვემოთ და პირიქით, რომ მივიღოთ თანაბარი შრობა.

— თუ ნაყოფები არათანაბარია, შესაძლოა პატარა ზომის უფრო სწრაფად გაშრეს, ამიტომ გაშრობის შემდეგ მათ ვიღებთ საშრობიდან.
 

III. გაგრილება და შენახვა

10. გაგრილება და დასვენება (conditioning)
    — შრობის შემდეგ გააგრილეთ ნაყოფი ოთახის ტემპერატურაზე, შეგიძლიათ ასევე გამოიყენოთ ჩირის გასაგრილებელი უჟანგავი მეტალის მაგიდა.
    — შემდეგ რამდენიმე დღე მოათავსეთ კონტეინერში ან პარკში, რომელიც დაცულია ტენიანობისგან, მაგრამ არა ჰერმეტულად — გახსენით ან დაახურეთ მსუბუქად — და დღეში ერთი-ორჯერ გადააბრუნეთ, რათა დარჩენილი ტენიანობა თანაბრად განაწილდეს ნაყოფში.
11. შეფუთვა
    — გამოიყენეთ ვაკუუმი თუ შესაძლებელია.
    — ალუმინის ჩანთები / ბლოკირებადი პოლიეთილენი / ჰაერის და ტენის გამორიცხვა.
    — თუ პლასტიკურ კონტეინერებს იყენებთ. დარწმუნდით, რომ ჰერმეტულად იხურება.
12. შენახვის პირობები
    — ბნელი გარემო — დაცული უნდა იყოს მზის პირდაპირი სხივებისგან.
    — სიგრილე: იდეალური ტემპერატურა ~15-25 °C ან უფრო დაბალი, თუ შენახვის ხანგრძლივობა დიდია.
    — დაბალი ტენიანობა — უშუალოდ ადგილებში, სადაც ჰაერი ცირკულირებს და ტენიანი ჰაერი არ შედის.

 — სასურველია გამოიყენოთ გაუმჭვირვალე სასაწყობე კონტეინერი.
— მოარიდეთ მძაფრ სუნს. ჩირი ადვილად იღებს გარემოში არსებულ სუნს და გემოს.

13. შენახვის ვადა
    — 6-12 თვე შესაძლებელია, თუ შენახვის პირობები დაცულია ~15-25 °C .

— პლიუს მაცივრის გამოყენების და შესაბამისი შეფუთვის შემთხვევაში შენახვის ვადა შეგვიძლია გავახანგრძლივოთ 2 წლამდე ტემპერატურა +2  +7 °C
— მაგრამ რეკომენდებულია პერიოდულად გადახედვა  ყოველ 1-2 თვეში რათა შეამოწმოთ ხომ არ გაჩნდა კონდენსატი, სუნი, სოკოს ნიშნები, ტენიანობის დაგროვება. (შეუფუთავ ჩირში ტენიანობის საკონტროლებლად შეგიძლიათ გამოიყენოთ ორჩხირიანი ჰიგრომეტრი)